Rais wa Jamhuri ya Muungano wa Tanzania, Dk. Jakaya Mrisho Kikwete, amekutana na viongozi wa Chama Cha Madaktari (MAT) Ikulu Dar es Salaam leo ili kufikia suluhisho la sintofahamu inayoendelea.
Katika hilo, kikao kilichotangazwa jana kuwa JK angekutana na wazee wa Dar es salaam, kimeahirishwa mpaka kesho kwanza kutokana na amri ya Mahakama Kuu Divisheni ya Kazi.
Mahakama Kuu Disheni ya Kazi katika amri iliyotoa jana jioni, iliagiza mgomo wa madaktari usitishwe mara moja na wahusika warudi kazini kuendelea na majukumu yao.
Kutokana na hati ya zuio la mgomo wa madaktari, JK aliamua kuutumia muda huu kukutana na viongozi wa MAT kwa lengo la kutafuta ufumbuzi wa pamoja.
Hata hivyo, kile kinachozungumzwa kwenye mkutano huo hakijawekwa wazi, ingawa kuna matarajio ya ama Ikulu au MAT kutoa taarifa kesho kuhusu mkutano huo.
Kwa upande mwingine, mgomo wa madaktari umeendelea leo licha ya amri ya mahakama, huku wagonjwa wakiendelea kuhamishwa
